Petrichor! వేడెక్కిన నేల మీద వర్షపు చినుకులు పడగానే వచ్చే మట్టి వాసన..!!వాన కురుస్తోందంటే అప్పటిదాకా వేడెక్కి ఉన్న భూమి, రాళ్లు కూడా తమ లో నిక్షిప్తమైన తైలం లాటిదేదో ఆవిరి గా వెలిగక్కుతూ సువాసనలు వెదజల్లుతూ ఉంటాయట.
దేశం.. భాష, కాలం ఏదైనా అనుభవం.. అనుభూతి ఒకటే కదా .
నిద్రా శనైః కేశవమభ్యుపైతి
ద్రుతం నదీసాగర నభ్యుపైతి
వర్షరుతువు లో జీవుడు నెమ్మదిగా పరమాత్మవైపు తిరుగుతాడట.. నదులు సాగరం వైపు పరుగులు తీస్తాయట. సాధకులు ఆధ్యాత్మిక వేపు మళ్లుతారు. ఆధ్యాత్మిక సాధనకు బహు అనుకూలమైన రోజులు.. ఈ నాలుగు నెలలు అంటారు.
వేసవి వేడి ఆవిరులు తగ్గి.. మేఘుడు కురిపించిన వానలకు తాపాలు చల్లారిన కాలం.
ఆ తర్వాత కురిసిన వానకి భూమి చల్లబడి ఎక్కడెక్కడి పూల వాసనలూ జడివానలో కొట్టుకుని వచ్చి దోసిళ్ల తో దాహాన్ని తీరుస్తాయిట..
నేనింకా దోసిళ్ల తో తాగుతూ నే ఉన్నా..ఆ పరిమళపు తేమగాలిని!
ఈ భావనలకు వాల్మీకి మహర్షి కి ప్రణామాలు.🙏
No comments:
Post a Comment